Kaup­endur raf­bíla muni geta sótt um styrk úr Orku­sjóði

Frá þessu greinir Morgunblaðið.

Blaðið segist hafa heimildir fyrir því að stefnt sé að því að styrkurinn nemi allt að 900 þúsund krónum á hvern bíl í fjölskyldubílaflokki.

„Nokkr­ir flokk­ar verða í boði og það verða jafn­framt veitt­ir styrk­ir við kaup á at­vinnu­tækj­um. Það verða mis­mun­andi upp­hæðir í boði eft­ir gerð bíls, eft­ir því hvort sótt er um styrk við kaup á fjöl­skyldu­bíl eða sendi­bíl. Það verður fyrst og fremst um þessa tvo flokka að ræða. Síðan verður styrk­ur­inn af­greidd­ur á þann banka­reikn­ing sem viðkom­andi eig­andi hef­ur gefið upp á skatt­skýrsl­um. Um­sókn­in verður svo greidd sam­dæg­urs eða inn­an tveggja daga,“ seg­ir Ragn­ar K. Ásmundsson, sem fer með málefni Orkusjóðs hjá Orkustofnun.

Styrkirnir verða veittir úr Orkusjóði.

Heimildir Morgunblaðsins herma að til standi að verja 30 milljörðum króna í umrædda styrki á árunum 2024 til 2027. Ekki sé gert ráð fyrir þaki á fjölda umsókna en kaupverð einstaka bifreiða verði að vera undir 10 milljónum króna.