Fjögur ís­lensk lið í pottinum er dregið var í 32-liða úr­slit Evrópu­bikarsins

Leikið verður heima og að heiman í 32-liða úrslitunum en þar mun FH mæta liði Sezoens Achilles Bocholt frá Belgíu. Fyrri leikur liðanna mun fara fram hér á Íslandi.

Valur mætir úkraínska liðinu HC Motor og mun fyrri leikur liðanna fara fram á útivelli fyrir Val. 

ÍBV mætir austurríska liðinu Förthof UHK Krems og mun fyrri leikur liðanna fara fram út í Austurríki.

Þá mun Afturelding mæta liði Tatran Presov frá Slóvakíu og á Afturelding heimavallarréttinn í fyrri leik liðanna.

Leikirnir í 32-liða úrslitum Evrópubikarkeppninnar munu fara fram dagana 25. og 26. nóvember sem og 2. og 3. desember.