Reyndu að ræna ný­fæddri dóttur Neymar

Neymar fékk þá þær fréttir að glæpamenn hefðu reynt að ræna nýfæddri dóttur Neymars og barnsmóður hans, Brunu Biancardi. Dóttirin fæddist 7. október síðastliðinn og var skírð Mavie. Hún hélt því upp á eins mánaða afmælið sitt í gær.

Spænska blaðið Marca segir frá og hefur þetta eftir brasilískum fjölmiðlum.

Bruna er frægur áhrifavaldur í Brasilíu en hún og barnið voru ekki heima þegar glæpagengi ruddist inn á heimili hennar. Foreldrar hennar voru aftur á móti heima og mannræningjarnir bundu þau á meðan þeir leituðu af mæðgunum um húsið.

Tveir af mönnunum voru vopnaðir en einn af þrjótunum virðist hafa átt heima innan öryggisveggja húsahverfisins og er því grunaður um að hafa hleypt hinum þangað inn.

Nágrannar hringdu á lögregluna eftir að hafa tekið eftir að eitthvað var í gangi í húsinu.

Lögreglan náði að handtaka einn af mönnunum en tveir komust í burtu á flótta með lúxus vörur, úr og skartgripi.