Handbolti

Framarar stungu nýliðana af í síðari hálf­leik

Hjörtur Leó Guðjónsson skrifar
Þórey Rósa var frábær í liði Fram í kvöld.
Þórey Rósa var frábær í liði Fram í kvöld. Vísir/Hulda Margrét

Fram vann nokkuð öruggan átta marka sigur er liðið heimsótti nýliða ÍR í Olís-deild kvenna í handbolta í kvöld, 23-31.

Jafnræði var með liðunum framan af leik og gestirnir í Fram leiddu aðeins með einu marki þegar flautað var til hálfleiks, staðan 13-14.

Gestirnir náðu betri tökum á leiknum í síðari hálfleik og náðu fimm marka forskoti í stöðunni 16-21 þegar tæplega tuttugu mínútur voru til leiksloka. Eftir það var í raun aldrei spurning hvorum megin sigurinn myndi enda og Framarar unnu að lokum átta marka sigur, 23-31.

Þórey Rósa Stefánsdóttir var markahæst í liði gestanna með sjö mörk, líkt og Sara Dögg Hjaltadóttir sem skoraði sjö fyrir ÍR.

Olís-deild kvenna Fram ÍR

Mest lesið


Fleiri fréttir

Sjá meira


×

Mest lesið