Handbolti

Teitur rær á önnur mið eftir tíma­bilið

Ingvi Þór Sæmundsson skrifar
Teitur Örn Einarsson þarf að finna sér nýtt lið eftir tímabilið.
Teitur Örn Einarsson þarf að finna sér nýtt lið eftir tímabilið. getty/Marius Becker

Handboltamaðurinn Teitur Örn Einarsson yfirgefur Flensburg þegar samningur hans við félagið rennur út eftir tímabilið.

Í gær greindi Flensburg frá því að danski landsliðsmaðurinn Niclas Kirkeløkke kæmi til félagsins frá Rhein-Neckar Löwen eftir tímabilið. Í sömu frétt var tilkynnt að Teitur færi frá Flensburg eftir tímabilið.

Selfyssingurinn gekk í raðir Flensburg frá Kristianstad í Svíþjóð fyrir tveimur árum. Hann hefur skorað 115 mörk í 66 leikjum fyrir félagið.

Teitur fékk fá tækifæri með Flensburg framan af tímabili en skoraði svo sjö mörk í tveimur leikjum í röð áður en hann meiddist.

Flensburg er í 4. sæti þýsku úrvalsdeildarinnar með sextán stig, fimm stigum á eftir toppliði Füchse Berlin.

Þýski handboltinn

Mest lesið


Fleiri fréttir

Sjá meira


×

Mest lesið