Fótbolti

Eng­land tapaði fyrir Úsbek­istan

Ingvi Þór Sæmundsson skrifar
Lazizbek Mirzaev skoraði sigurmark Úsbekistans gegn Englandi.
Lazizbek Mirzaev skoraði sigurmark Úsbekistans gegn Englandi. getty/Alex Caparros

Margir ráku eflaust upp stór augu þegar þeir sáu úrslitin í leik Englands og Úsbekistans í sextán liða úrslitum á HM U-17 ára í fótbolta karla sem fer fram í Indónesíu.

Úsbekar gerðu sér nefnilega lítið fyrir og unnu leikinn, 2-1, og tryggðu sér þar með sæti í átta liða úrslitum HM. Þar mæta þeir annað hvort Frökkum eða Senegölum.

Amirbek Saidov kom Úsbekistan yfir strax á 4. mínútu en Joel Ndada, leikmaður Manchester City, jafnaði níu mínútum fyrir hálfleik.

Á 68. mínútu skoraði Lazizbek Mirzaev svo sigurmark Úsbekistans með skoti beint úr aukaspyrnu. Lokatölur 2-1, Úsbekum í vil.

Sannarlega óvænt úrslit enda Úsbekistan ekki sérstaklega þekkt fyrir afrek sín á fótboltavellinum. A-landslið Úsbeka er til að mynda í 73. sæti styrkleikalista FIFA.

Fótbolti Enski boltinn Úsbekistan

Mest lesið


Fleiri fréttir

Sjá meira


×

Mest lesið