Innlent

Palestínska fánanum flaggað við Ráð­húsið, Há­skólann og Hall­gríms­kirkju

Hólmfríður Gísladóttir skrifar
Svo virðist sem um gjörning sé að ræða; stuðingsyfirlýsingu við Palestínu vegna yfirstandandi átaka á Gasa.
Svo virðist sem um gjörning sé að ræða; stuðingsyfirlýsingu við Palestínu vegna yfirstandandi átaka á Gasa. Vísir/Vilhelm

Palestínski fáinn blakti við hún við Ráðhús Reykjavíkur, Háskóla Íslands og Hallgrímskirkju í morgun. Svo virðist sem um gjörning sé að ræða. 

Eva Bergþóra Guðbergsdóttir, samskiptastjóri Reykjavíkurborgar, staðfesti í samtali við fréttastofu að fánarnir tveir sem flaggað var við ráðhúsið hefðu ekki verið á vegum borgaryfirvalda.

Búið væri að taka þá niður.

Fánarnir við Ráðhúsið voru ekki lengi uppi.Vísir/Arnar
Aðsend

Við Ráðhúsið og Hallgrímskirkju hafði einnig verið komið fyrir skilaboðum til íslenskra stjórnvalda um að slíta stjórnmálasambandi við Ísrael og taka upp viðskiptabann.

Undir áskorunina rita BDS Ísland, Félagið Ísland-Palestína, Menningar- og friðarsamtök MFÍK og Samtök hernaðarandstæðinga.

Tilefnið er vafalítið að í dag er alþjóðlegur samstöðudagur Sameinuðu þjóðanna með palestínsku þjóðinni.

Áskorun til íslenskra stjórnvalda var komið fyrir í Ráðhúsinu og við Hallgrímskirkju.Aðsend

Uppfært: 

Einnig var flaggað við utanríkisráðuneytið.

Aðsend
Átök í Ísrael og Palestínu Palestína Ísrael Reykjavík

Mest lesið


Fleiri fréttir

Sjá meira


×

Mest lesið