Ungstirnið fór létt með Brendan Dolan

Hinn 16 ára gamli Luke Littler hefur heldur betur stolið senunni á HM með magnaðri frammistöðu og yfirvegun þrátt fyrir ungan aldur og var leikurinn í dag engin undantekning.

Það var þó Brendan Dolan sem byrjaði leikinn betur og vann fyrstu tvo leggina, heldur á skjön við það sem hefur gerst hjá Luke Littler hingað til á mótinu. En Brendan komst í raun ekki lengra en það því ungstirnið svaraði með sigri í þremur leggjum í röð og vann því fyrsta settið 3-2.

Eftir þetta fyrsta sett var sigurinn í raun aldrei í hættu hjá Luke Littler og vann hann að lokum 5-1 sigur og er því kominn í undanúrslit á sínu fyrsta heimsmeistaramóti. Það mun ráðast í kvöld hver verður mótherji hans í undanúrslitunum.