Gul súpa fyrir gula viðvörun

Dóra Júlía Agnarsdóttir skrifar 31. janúar 2024 10:22

Jana er dugleg að deila alls kyns uppskriftum bæði á Instagram síðu sinni og heimasíðunni jana.is. SAMSETT

Í kuldanum leitar fólk oft fjölbreyttra leiða til að fá hlýju í kroppinn, hvort sem það er með lögum af yfirhöfnum, einhverju heitu í magann eða öðru. Heilsukokkurinn Kristjana Steingrímsdóttir deildi nýverið súpuuppskrift sem svo skemmtilega vill til að er gul á litinn, í stíl við gula viðvörun dagsins.

Krydduð blómkáls og sellerírótar súpa með kasjúhnetum

„2 msk olífuolía

350 gr frosið blómkál

1/2 púrrlaukur, skorin í þunna hringi

1/3 sellerírót, skorin í litla kubba

1/2 bolli chili kryddaðar kasjuhnetur

1 tsk gullkrydd (Kryddhúsið)

1 kubbur grænmetiskraftur

Smá salt og pipar

4-5 bollar vatn

Allt saman í pott og látið malla í um 30 mín

Maukið svo í góðum blandara, hellið í skálar og toppið með einhverju fallegu og góðu

Þessa súpu toppaði ég með graskersfræjaolíu, ristuðum fræjum, möndluflögum og steinselju“