Sprengi­sandur: Náttúruvá, Palestína og húsnæðismarkaðurinn

Í dag mætir Trausti Valsson arkitekt og skipulagsfræðingur og ræðir hroka nútímamannsins þegar kemur að skipulagi borga og bæja andspænis náttúruvá.

Gréta Gunnarsdóttir yfirmaður UNRWA í New York - flóttamannastofnunarinnar sem Íslendingar ætla að hætta að styrkja á meðan gengið er úr skugga um hvort meðal starfsmanna hennar sé fólk sem gengið hefur Hamas á hönd. UNWRA er ein mikilvægasta stoð daglegs lífs á Gaza og dragist starfsemi hennar verulega saman hefur það gríðarleg áhrif.

Þau Orri Páll Jóhannsson, Sigmar Guðmundsson og Hafdís Hrönn Hafsteinsdóttir alþingismenn ætla að skiptast á skoðunum um framlag Íslands til þessarar stofnunar og þá ákvörðun að stöðva það, a.m.k. tímabundið.

Einar Þorsteinsson, borgarstjóri, nýtekinn við, ætlar að fara yfir sviðið, einkanlega húsnæðismarkaðinn en á honum vill hann gera afgerandi breytingar þegar í stað.

Í lok þáttar mætir svo Hilmar Þór Hilmarsson prófessor við HA. Spurt er hvort púðurtunnan fyrir botni Miðjarðarhafsins sé að springa, en átök breiðast út dag frá degi með tilheyrandi taugaveiklun og óvissu.