Rafíþróttir

Sann­kallað úr­slita­kvöld á Ofurlaugardegi

Snorri Már Vagnsson skrifar
Ravle og Allee keppast um titilinn í kvöld fyrir sín lið.
Ravle og Allee keppast um titilinn í kvöld fyrir sín lið.

Síðasta umferð Ljósleiðaradeildarinnar í Counter-Strike er í kvöld. Deildin er enn galopin, en toppliðin tvö, NOCCO Dusty og Þór, eiga síðasta leik á dagskrá í kvöld.

Young Prodigies og FH mætast í fyrsta leik kl. 18:00, en leikurinn er úrslitaleikur um sjötta sætið.

Í kjölfarið munu Saga og Breiðablik spila sína leiki upp á hvort liðið verður í fjórða sæti, en liðin prýða fjórða og fimmta sæti deildarinnar. Breiðablik eiga ÍA kl. 19:00 og Saga á ÍBV kl. 20:00.

Í lokaleiknum mætast svo jötnar deildarinnar, Þór og NOCCO Dusty. Þórsarar eru með tveggja stiga forskot á Dusty en með sigri jafnar Dusty þá rauðu og geta tekið deildartitilinn á innbyrðis lotumismuni milli liðanna.

Rafíþróttir Ljósleiðaradeildin

Mest lesið




×

Mest lesið