Golfbíllinn fannst kaldur og yfir­gefinn í Mosfellsdal

Vísir greindi frá því í dag að Sigurður Sveinsson handboltakempa, sem ætíð er kallaður Siggi Sveins, hefði lent í því að golfbíl hans var stolið. Hann tilkynnti að þjófarnir ættu ekki von á góðu.

„Vil segja við þá aðila sem frömdu þennan verknað að þeir geta sent mér skilaboð um hvar bílinn er. En ef ekki, mun ég eyða restinni af ævinni í að hafa uppá þeim og dýfa þeim í tjöru og fiðra.“

Björgunaraðgerðir þegar hafnar

Siggi greindi frá því í kvöld að Skolli hefði fundist í Mosfellsdal, þar sem hann hafi líklega verið kaldur og yfirgefinn í tvo til þrjá mánuði. Hann segir björgunaraðferðir þegar hafnar og þakkar öllum þeim sem deildu eftirlýsingu hans í dag. Á þeirra hefði Skolli sennilega látið lífið í skóginum.