Kvöld­fréttir Stöðvar 2

Þá verðum við frá Arnarhóli þar sem gengið var fyrir konur í Palestínu á alþjóðlegum baráttudegi kvenna. 

Flestir þeirra sem fá dvalarleyfi á Íslandi vegna sérfræðiþekkingar, líkt og talið er að fórnarlömb meints mansals Davíðs Viðarssonar hafi fengið, koma frá Víetnam. Sviðsstjóri hjá Vinnumálastofnun segir það koma reglulega fyrir að fólk vinni við allt annað en það er sagt ætla að gera við komuna hingað til lands.

Þá sýnum við frá sýningu um sögu Loftleiða sem opnuð var núna síðdegis, sjáum eigendur verslunarinnar á Borg í Grímsnesi skella í lás fyrir fullt og allt og verðum í beinni útsendingu frá stórtónleikum Laufeyjar sem fram fara í Hörpu í kvöld.