Fótbolti

Hlín skoraði tvö í stór­sigri

Runólfur Trausti Þórhallsson skrifar
Hlín Eiríksdóttir í leik með íslenska landsliðinu.
Hlín Eiríksdóttir í leik með íslenska landsliðinu. VÍSIR/HULDA MARGRÉT

Íslendingalið Kristianstad byrjar gríðarlega vel í sænska bikarnum en liðið vann sjö marka sigur á Lidköping, lokatölur 8-1. Hlín Eiríksdóttir og Katla Tryggvadóttir voru í byrjunarliði Kristianstad. Sú fyrrnefnda skoraði tvívegis.

Líkt og karla megin er um að ræða bikarkeppni þar sem fjögur lið eru saman í riðli og efsta liðið fer áfram. Kristianstad er því komið í fína stöðu strax en á þó eftir erfiða leiki gegn Vazjö og Häcken.

Hlín og Katla voru báðar í byrjunarliði í dag. Katla var tekin af velli á 76. mínútu þegar staðan var orðin 8-1. Hlín spilaði allan leikinn og skoraði mörkin sín á 47. og 58. mínútu.

Guðrún Arnar dóttir var í hjarta varnar Rosengård sem gerði 4-4 jafntefli við Linköping. Guðrún nældi sér í gult spjald í leiknum.

Fótbolti Sænski boltinn

Mest lesið


Fleiri fréttir

Sjá meira


×

Mest lesið