Hefja undan­keppnina á Kópavogsvelli

Leikurinn fer fram 5. apríl næstkomandi. Laugardalsvöllur verður ekki leikfær á þeim tíma og því verður viðureignin gegn Pólverjum á Kópavogsvelli.

Síðasti heimaleikur Íslands fór einnig fram á Kópavogsvelli. Íslenska liðið vann þá það serbneska, 2-1, 27. febrúar í úrslitaleik hvort þeirra héldi sér í A-deild Þjóðadeildarinnar.

Leikurinn gegn Serbíu hófst á óvenjulegum tíma, eða klukkan 14:30. Leikurinn gegn Póllandi verður ekki alveg jafn snemma, eða klukkan 16:45.

Auk Íslands og Póllands eru Austurríki og Þýskaland í riðli 4 í undankeppninni.