Fótbolti

Tvö ís­lensk mörk í sigri Sønderjyske

Hjörtur Leó Guðjónsson skrifar
Íslendingarnir sáu um Helsingø í dag.
Íslendingarnir sáu um Helsingø í dag. Sønderjyske

Íslensku knattspyrnumennirnir Kristall Máni Ingason og Daníel Leó Grétarsson voru báðir á skotskónum fyrir Sønderjyske er liðið vann 2-0 sigur gegn botnliði Helsingør í dönsku B-deildinni í knattspyrnu í dag.

Kristall Máni og Daníel Leó voru báðir í byrjunarliði heimamanna í dag, ásamt Atla Barkarsyni, og léku þeir allir allan leikinn.

Daníel kom Sønderjyske í 1-0 forystu á 57. mínútu eftir stoðsendingu frá Kristali Mána áður en Kristall skoraði sjálfur annað mark liðsins sjö mínútum síðar.

Niðurstaðan varð því 2-0 sigur Sønderjyske sem situr í öðru sæti dönsku B-deildarinnar með 49 stig eftir 22 leiki, tveimur stigum á eftir toppliði Álaborgar. Helsingør situr hins vegar á botni deildarinnar með 12 stig.

Danski boltinn

Mest lesið


Fleiri fréttir

Sjá meira


×

Mest lesið