Íslenski boltinn

Aron klár í slaginn í kvöld

Valur Páll Eiríksson skrifar
Aron verður í eldlínunni í kvöld.
Aron verður í eldlínunni í kvöld. Mynd/KR

Aron Sigurðarson verður líklega í byrjunarliði KR sem hefur leik í Bestu deild karla gegn Fylki í kvöld. Minniháttar meiðsli plöguðu hann á dögunum en hann hefur æft á fullu í vikunni.

Einhverjar vangaveltur voru um þátttöku Arons í fyrsta leik deildarinnar en hann er klár í slaginn. Hann fór af velli í æfingaleik KR við Vestra á dögunum en hann hefur æft af fullum krafti síðustu daga.

Pálmi Rafn Pálmason, aðstoðarþjálfari KR, staðfestir þetta í samtali við Vísi.

Ólíklegt er að Lúkas Magni Magnason og Benoný Breki Andrésson spili í leik kvöldsins en þeir hafa þó æft með KR-liðinu í vikunni.

Kristján Flóki Finnbogason mun því að líkindum leiða línu KR-inga í Lautinni í kvöld.

Leikur KR og Fylkis hefst klukkan 19:15 í kvöld og verður sýndur beint á Stöð 2 Subway deildin. Aðalleikur kvöldsins er milli Vals og ÍA sem er á Stöð 2 Sport á sama tíma.

KR Fótbolti Íslenski boltinn Besta deild karla Fylkir

Mest lesið


Fleiri fréttir

Sjá meira


×

Mest lesið