Kyn­ferðis­brot á vist­heimili og síð­búin refsing Rolex-ræningja

Fjallað verður um málið í kvöldfréttum Stöðvar 2.

Alhvít jörð blasir víða við og veðurviðvaranir eru í gildi fram á föstudag. Við sjáum myndir af snjónum í Mývatnssveit og úr rokinu á Selfossi.

Lögreglustjórinn á höfuðborgarsvæðinu segir þrjátíu daga skilorðsbundinn dóm yfir lögreglumanni vegna líkamsárásar ekki eiga að rýra traust fólks til lögreglu. Farið verður yfir málið sem lögregla segist hafa rannsakað að eigin frumkvæði.

Fyrirtækið Wolt sætir harðri gagnrýni og er sakað um að brjóta á starfsfólki. Sviðsstjóri hjá ASÍ mætir í myndver en hann hefur hvatt fólk til að hugsa sig tvisvar um áður en það nýtir þjónustu fyrirtækisins.

Eitt stærsta rán Íslandssögunnar er loks upplýst að fullu og síðasti dómurinn fallinn. Við kíkjum í Michelsen-verslunina í beinni og heyrum í eiganda hennar um málalokin. Þá rýnir Kristján Már Unnarsson einnig í stöðu eldgossins á Reykjanesi auk þess sem við kíkjum á hressa leikskólakrakka sem rækta - og borða grænmeti.

Í Sportpakkanum verður rætt við fyrirliða kvennalandsliðsins í knattspyrnu um væntanlegan leik gegn Austurríki og í Íslandi í dag kíkir Magnús Hlynur í sauðburð.