Hel­vítis kokkurinn: Full­kominn hel­vítis ham­borgari

Helvítis kokkurinn er sýndur á fimmtudögum á Stöð 2, Vísi og Stöð 2+. Fyrsta þáttinn í þriðju þáttaröð má sjá í spilaranum hér að neðan.

Hinn fullkomni hamborgari með Bola X

Kjöt og brauð:

• 8 X 150 gr hamborgarar með 20-25% fituinnihaldi
• Salt og pipar
• 8 hamborgarabrauð Ódýrt Krónan
• 375 gr Krónan Ódýrt beikon í sneiðum
• 16 sneiðar af osti að eigin vali

Sveppir og laukur:

• 1 box Flúða sveppir
• 2 gulir laukar
• 2 rauðir laukar
• 1 msk olía
• 2 msk noisette
• Salt og Pipar

Pikklað grænmeti:

• 1 heil agúrka
• 2 box Snakkpaprikur frá Heiðmörk
• 1 ferskur eldpipar að eigin vali
• 300 ml eplaedik
• 150 ml vatn
• 30 gr sykur
• 45 gr salt
• 1 msk chilli flögur
• 1 msk kóríander fræ

Grillaður maís:

• 8 forsoðnir maís frá Krónunni
• Noisette
• Salt og pipar

Samsetning:

• Helvítis Beikon & Brennivín kryddsulta
• Hellmans Mayonese
• 2 heirloom tómatar
• 1 haus Rósasalat

Aðferð: 

1. Grillið beikonsneiðar á meðal háum hita þangað til það verður stökkt og leggið til hliðar.
2. Skerið sveppi og lauk í sneiðar. Hitið pönnu með olíunni og steikið sveppina og laukinn á rólegum hita í 20 – 30 mínútur þangað til blandan er orðin gullinbrún, kryddið með salti og pipar. Hellið noisette yfir og setjið til hliðar.
3. Sjóðið saman vatn, sykur, salt, eplaedik, chilli flögur og kóríanderfræ í um 10 mínútur. Hellið blöndunni í skál. Skerið gúrku, eldpipar og snakkpaprikur útí og látið standa við stofuhita í 20-30 mínútur.
4. Grillið maís og penslið á meðan með noisette og kryddið með salti og pipar.
5. Grillið hamborgarana í um 4 mín á annarri hlið og kryddið með salti og pipar. Snúið borgaranum og setjið lauk og sveppablönduna ofan á. Grillið í um 4 mínútur í viðbót og síðustu mínútuna leggið þið tvær ostsneiðar á hvern hamborgara og leyfið honum að bráðna með grillið lokað.
6. Penslið brauðið að innan og grillið á báðum hliðum. Skerið niður tómata og salat. Smyrjið annan helminginn með Hellmans mayo öðru megin og Helvítis Beikon & Brennivín kryddsultu hinu megin. Leggið salat og tómat á botninn ásamt pickluðu grænmeti. Setjið borgarann ofan á, beikonsneiðar á toppinn, lokið og njótið

Ívar Örn Hansen er Helvítis kokkurinn sem kennir ykkur að elda bragðgóðan mat á mannamáli á Vísi og á Stöð 2+. Matreiðsluþátturinn er fyrir þá sem vilja ekkert kjaftæði, bara elda bragðgóðan mat og koma þeir inn vikulega.

Hægt er að sjá alla þættina hér á Vísi.