Vand­ræði á stjórnarheimili í beinni

Í kvöldfréttum Stöðvar 2 verður rætt við hjásetumanninn Jón Gunnarsson í beinni útsendingu og einnig formann Vinstri Grænna um gagnrýni Sjálfstæðismanna. Þá rýnum við í flókna stöðu á stjórnarheimilinu með Eiríki Bergmann, prófessor í stjórnmálafræði.

Nýr veitingastaður hefur verið opnaður þar sem Pho Vietnamese var áður rekinn. Við ræðum við framkvæmdastjóra beggja staða en hann segist ekkert tengjast mansalsmáli Quang Le og hafa ráðið meinta þolendur hans í vinnu.

Þá kíkjum við einnig í Kringluna sem var opnuð í dag eftir bruna og heyrum í búðareigendum sem urðu fyrir mismiklu tjóni. Við tökum einnig stöðuna á ferðaþjónustunni nú þegar blikur virðast á lofti í greininni og kynnum okkur sérstakt mál í Englandi þar sem hænsnfuglar eru að valda usla í litlu þorpi.

Í Sportpakkanum verður rætt við Pálma Rafn Pálmason sem mun stýra KR á laugardaginn gegn Víkingum þar sem Greg Ryder var sagt upp störfum í gærkvöldi. Í Íslandi í dag kíkir Vala Matt síðan á sérstakt útskriftarverk í Listaháskóla Íslands þar sem fíknivandinn er umfjöllunarefnið.

Þetta og margt fleira í opinni dagskrá á Bylgjunni, Stöð 2 og Vísi klukkan 18:30.