Brynjólfur til Groningen

Hann skrifaði undir þriggja ára samning við Groningen sem endaði í 2. sæti hollensku B-deildarinnar á síðasta tímabili og vann sér þar með sæti í úrvalsdeildinni.

„Það er gott að vera kominn aftur í grænt,“ segir Brynjólfur í tilkynningu Groningen um félagaskiptin.

Hann vísaði þar í tíma sinn hjá Breiðabliki sem hann lék með allt þar til hann fór til Kristiansund 2021. Brynjólfur lék 83 leiki fyrir norska liðið og skoraði í þeim sautján mörk.

Brynjólfur, sem er 23 ára framherji, hefur skorað eitt mark í tveimur leikjum fyrir íslenska landsliðið.