Innlent

Allra augu á Biden og bein út­sending úr loft­belg

Kristín Ólafsdóttir skrifar
Sindri Sindrason les kvöldfréttir á Stöð 2 í kvöld.
Sindri Sindrason les kvöldfréttir á Stöð 2 í kvöld. Vilhelm

Alþjóðasamfélagið er slegið vegna mannskæðrar árásar Rússa á barnaspítala í Kænugarði, sem lýst hefur verið sem stríðsglæp. Rússar þræta fyrir ábyrgð en sérfræðingar segja sprengjuna úr rússnesku vopnabúri. 

Á sama tíma koma leiðtogar NATO-ríkjanna saman á afmælisleiðtogafundi, þar sem Úkraína verður í brennidepli og Joe Biden Bandaríkjaforseti verður að sanna þig eftir slakt gengi í kappræðum við Donald Trump. Heimir Már Pétursson fréttamaður kemur í sett og rýnir í stöðuna.

Þá tökum við púlsinn á Hafnfirðingum, sem margir eru uggandi vegna fyrirhugaðra framkvæmda Carbfix. Óháður jarðfræðingur segir þó enga hættu á ferðum.

Við fjöllum einnig um bíræfna kaplaþjófa á byggingasvæði uppi á Höfða og Kristján Már Unnarsson verður í beinni útsendingu úr loftbelg. Ekki missa af kvöldfréttum Stöðvar 2 klukkan 18:30 í opinni dagskrá.

Kvöldfréttir Stöðvar 2

Mest lesið


Fleiri fréttir

Sjá meira


×

Mest lesið