Hel­vítis kokkurinn: Butterfly kjúk­lingur og Hel­vítis grillsósan

Matreiðsluþátturinn er fyrir þá sem vilja ekkert kjaftæði, bara elda bragðgóðan mat. Í þetta skiptið er það grillaður kjúklingur með blómkáli og brokkólí . Þáttinn má sjá í heild sinni hér fyrir neðan.

Marinering fyrir kjúkling:

• 100 gr. olía
• 6 hvítlauksrif
• 3 msk púðursykur
• 2 msk sesamfræ
• 3 msk Dijon sinnep
• 30 gr engifer
• 2 msk appelsínudjús
• 20 gr. kóríander
• 20 gr. steinselja
• 1 stk lime, safinn kreistur yfir kjúlla eftir eldun

Grillað blómkál og broccoli

• olía salt pipar
• 30 gr. graslaukur
• 1 skalottulaukur saxaður
• 1 haus íssalat
• 6 konfekt tómatar,
• ½ krukka Krónan ódýrt veisluostur

Brauðteningar:

• 4 sneiðar súrdeigsbrauð
• Salt
• Hvítlauksolía

Sósa:

• 2 msk sýrður rjómi
• 1 msk Helvítis eldpiparsulta með rauðum jalapeno og basil

Kjúklingur

Skerið hrygg úr kjúkling og fletjið út, Kryddið með salti og pipar á báðum hliðum og leggið í bakka. Setjið allt innihald fyrir marineringu í matvinnsluvél og blandið vel saman. Hellið marineringu yfir kjúkling og látið standa við stofuhita í 1 klst. Grillið kjúkling á báðum hliðum og kryddið með salti og pipar þangað til kjarnhiti hefur náð 65-70 gráðum, takið af grilli og látið standa undir álpappír í um 10 mínútur.

Salat

Skerið broccoli og blómkál í grófa bita og veltið upp úr olíu og salt og pipar. Grillið grænmetið á álbakka í 5-10 mín (fer eftir hita á grilli) og leggið til hliðar og leyfið að kólna. Skerið broccoli og blómkál í smærri bita, saxið skalottulauk og graslauk smátt og blandið saman við. Skerið íssalatið og tómatana út í grænmetið, hellið veisluosti yfir og blandið.

Brauð

Grillið brauðsneiðarnar á heitu grilli, penslið með hvítlauksolíu á meðan og munið að krydda með salti. Skerið í teninga og blandið við salat.

Sósa

Blandið saman Helvítis eldpiparsultunni og sýrðum rjóma.