Réðst á leik­mann Wrexham eftir tvær mínútur í æfinga­leik

Þetta var fyrsti leikur Enzo Maresca við stjórnvöl Chelsea en honum tókst ekki að hafa stjórn á skapi Lewi Colwill, sem varð fyrir tæklingu frá James McClean, leikmanni Wrexham, og brást illa við.

Colwill stóð strax á fætur og reif í hálsmál McClean, lyfti því raunar upp fyrir höfuð hans, áður en aðrir leikmenn skárust inn í og stöðvuðu slagsmálin.

Phil Parkinson, þjálfari Wrexham hljóp meira að segja út úr boðvangnum og inn á völlinn til að stöðva átökin, Enzo Maresca gerðist ekki svo djarfur.

Ekkert spjald fór á loft og Chelsea bjargaði jafntefli undir lokin eftir að hafa lent 2-1 undir.