Íslenski boltinn

Sjáðu mörkin úr fallslögunum og jafnteflinu fyrir norðan

Ingvi Þór Sæmundsson skrifar
Emil Ásmundsson skorar fyrra mark Fylkis gegn HK.
Emil Ásmundsson skorar fyrra mark Fylkis gegn HK. vísir/diego

Fylkir og Vestri unnu mikilvæga sigra í botnbaráttunni í Bestu deild karla um helgina og KA og Stjarnan gerðu jafntefli. Mörkin úr leikjum helgarinnar má sjá í fréttinni.

Fylkir gerði góða ferð í Kórinn og vann 0-2 sigur á HK í gær. Þetta var fyrsti útisigur Fylkismanna á tímabilinu. Emil Ásmundsson og Þóroddur Víkingsson skoruðu mörk gestanna sem voru manni síðustu 37 mínútur leiksins eftir að Halldór Jón Sigurður Þórðarson fékk rautt spjald.

Með sigrinum hafði Fylki sætaskipti við HK sem er núna á botni deildarinnar. Liðið hefur tapað sex af síðustu sjö leikjum sínum.

Klippa: HK 0-2 Fylkir

KA og Stjarnan skildu jöfn fyrir norðan, 1-1. Ásgeir Sigurgeirsson kom KA-mönnum yfir en Jóhann Árni Gunnarsson jafnaði fyrir Stjörnumenn úr vítaspyrnu.

Stjarnan er áfram einu stigi og einu sæti á undan KA. Akureyringar hafa ekki tapað í síðustu níu deildarleikjum sínum eftir erfiða byrjun á tímabilinu.

Klippa: KA 1-1 Stjarnan

Þá vann Vestri sinn fyrsta sigur á Ísafirði á tímabilinu þegar liðið lagði KR að velli, 2-0. Elmar Atli Garðarsson skoraði seinna mark Vestramanna og lagði það fyrra upp fyrir Pétur Bjarnason.

Vestri er í 10. sæti deildarinnar með sautján stig, einu stigi og einu sæti á eftir KR sem lék sinn fyrsta leik undir stjórn Óskars Hrafns Þorvaldssonar á laugardaginn.

Klippa: Vestri 2-0 KR

Mörkin sex úr leikjum helgarinnar má sjá hér að ofan.

Besta deild karla HK Fylkir KA Stjarnan Vestri KR

Tengdar fréttir

HK - Fylkir 0-2 | Manni færri með afar mikilvægan sigur

HK tók á móti Fylki í sannkölluðum botnslag í Kórnum í dag. Bæði lið voru í fallsæti fyrir leikinn og þurftu nauðsynlega á sigri að halda. Svo fór að lokum að Fylkir vann afar sannfærandi 2-0 sigur eftir að hafa lent manni undir og í leiðinni tókst liðinu að lyfta sér upp fyrir HK.

„Árbærinn er vaknaður“

Fylkir vann mikilvægan 2-0 sigur á HK í kvöld í fallbaráttunni í Bestu deild karla nú í kvöld. Valur Páll Eiríksson ræddi við Rúnar Pál Sigmundsson, þjálfara Fylkis strax að leik loknum.

„Þetta var svolítið skrýtið og óþægilegt“

„Mér fannst við vera töluvert betri og sterkari aðilinn í þessum leik þannig að við erum alveg svekktir að fara ekki með sigur héðan,“ sagði Jökull Elísabetarson þjálfari Stjörnunnar eftir 1-1 jafntefli á móti KA á Greifavellinum í dag. 

Mest lesið


Fleiri fréttir

Sjá meira


×

Mest lesið