Fótbolti

Mikael skoraði í stór­sigri AGF

Runólfur Trausti Þórhallsson skrifar
Mikael reimaði á sig markaskóna í kvöld.
Mikael reimaði á sig markaskóna í kvöld. Jan Christensen/Getty Images

AGF pakkaði Vejle saman í eina leik dagsins í dönsku úrvalsdeild karla í knattspyrnu. Mikael Neville Anderson var á skotskónum í leiknum.

Heimamenn í AGF gerðu svo gott sem út um leikinn á fyrsta hálftímanum með þremur mörkum.

Felix Beijmo gerði það fyrsta, Mads Madsen tvöfaldaði forystuna og Gift Links bætti því þriðja við. German Onugkha minnkaði muninn fyrir gestina og staðan 3-1 í hálfleik.

Segja má að Mikael hafi gert út um leikinn með fjórða marki AGF á 59. mínútu. Sex mínútum síðar skoraði Patrick Mortensen fimmta og síðasta mark heimamanna, lokatölur 5-1.

AGF er í 4. sæti að loknum fimm umferðum með 10 stig, tveimur minna en topplið Silkeborgar.

Fótbolti Danski boltinn

Mest lesið


Fleiri fréttir

Sjá meira


×

Mest lesið