Elías Rafn Ólafsson stóð á milli stanganna hjá Midtjylland. Hann hélt marki sínu hreinu í fyrri hálfleik en á 59. mínútu kom Cesar Blackman Slovan Bratislava yfir.
Dönsku meistararnir gáfust ekki upp og á 79. mínútu jafnaði Edward Chilufya, fjórum mínútum eftir að hann kom inn á sem varamaður.
CHILUFYAAAAA!!!!!! 1-1!!!#FCMSKS pic.twitter.com/38e7s18fZZ
— FC Midtjylland (@fcmidtjylland) August 21, 2024
Þar við sat en mark Chilufyas gerir stöðu Midtjylland fyrir seinni leikinn í Slóvakíu eftir viku viðráðanlegri.
Leikmenn Midtjylland voru mun hættulegri aðilinn í leiknum í kvöld og áttu meðal annars þrjú stangarskot áður en Chilufya jafnaði.
Elías lék sem lánsmaður með Mafra í Portúgal á síðasta tímabili en hefur verið aðalmarkvörður Midtjylland það sem af er þessa tímabils.