Fótbolti

Ekkert gengur hjá Kristianstad

Ingvi Þór Sæmundsson skrifar
Hlín Eiríksdóttir lék allan leikinn fyrir Kristianstad í dag.
Hlín Eiríksdóttir lék allan leikinn fyrir Kristianstad í dag. vísir/hulda margrét

Íslendingarnir þrír voru á sínum stað í byrjunarliði Kristianstad sem tapaði fyrir Piteå, 0-1, í sænsku úrvalsdeildinni í dag.

Guðný Árnadóttir, Katla Tryggvadóttir og Hlín Eiríksdóttir léku allan leikinn fyrir Kristianstad sem hefur gengið illa að undanförnu.

Kristianstad hefur aðeins fengið tvö stig af fimmtán mögulegum í síðustu fimm leikjum sínum. Liðið er samt enn í 4. sæti deildarinnar.

Örebro tapaði sínum ellefta leik af sextán á tímabilinu þegar liðið laut í lægra haldi fyrir fyrir Brommapojkarna í dag, 1-0.

Áslaug Dóra Sigurbjörnsdóttir og Katla María Þórðardóttir voru báðar í byrjunarliði Örebro sem er í næstneðsta sæti deildarinnar með níu stig, tveimur stigum frá umspilssæti.

Sænski boltinn

Mest lesið


Fleiri fréttir

Sjá meira


×

Mest lesið