Draumurinn um efri hlutann úti

Ljóst er hvernig Besta deild karla mun skiptast í tvennt jafnvel þó ein umferð og einn leikur til séu eftir af deildarkeppninni. KA hafði ekki tapað í ellefu leikjum í röð fyrir tap sitt fyrir Breiðabliki norðan heiða í gær en eftir afleita byrjun Norðanmanna er ljóst að viðsnúningur þeirra gengis kom og seint til að ná í efri hlutann.

Fram hefur verið í og í kringum sjötta sæti deildarinnar í sumar en hrun orðið á þeirra velgengni að undanförnu. Fram tapaði fyrir HK, 1-0, í Kórnum í gær. Það var í fyrsta skipti sem HK-ingar halda hreinu frá því í fyrrasumar og markaði jafnframt fjórða tapleik Fram í röð.

Góður 3-0 sigur Stjörnunnar á FH tryggði þá að Garðbæingarnir fara aldrei neðar en í sjötta sæti, en Fram og KA í sjöunda og áttunda, utan færis.

Besta deild karla mun því skiptast á eftir farandi hátt eftir lokaumferð deildarkeppninnar 16. september:

• Efri hluti:
• Breiðablik
• Víkingur
• Valur
• FH
• ÍA
• Stjarnan
• 
  
  
• Neðri hluti:
• KA
• Fram
• KR
• HK
• Vestri
• Fylkir