Handbolti

FH og Valur verji titlana en ný­liðarnir falli

Sindri Sverrisson skrifar
FH og Valur unnu Íslandsmeistaratitlana í fyrra og Valskonur unnu tvöfalt því þær urðu einnig bikarmeistarar.
FH og Valur unnu Íslandsmeistaratitlana í fyrra og Valskonur unnu tvöfalt því þær urðu einnig bikarmeistarar. Vísir/Diego/Anton

Íslandsmeistarabikararnir í handbolta verða áfram í Kaplakrika og á Hlíðarenda ef marka má árlega spá þjálfara, leikmanna og formanna félaganna í Olís-deildunum.

Keppni í Olís-deild karla hefst á morgun þegar Valur og ÍBV mætast, og á fimmtudaginn hfest Olís-deild kvenna þegar Haukar mæta nýliðum Selfoss.

Á kynningarfundi í dag var birt spá fyrir deildirnar. FH fékk besta kosningu í karlaflokki og nágrannarnir í Haukum koma næstir. Evrópubikarmeisturum Vals er hins vegar spáð 3. sæti.

ÍR og Fjölnir, liðin sem komu upp úr Grill 66-deildinni í vor, fara beint niður aftur samkvæmt spánni.

Spáin fyrir Olís-deild karla:

  • 1. FH - 348
  • 2. Haukar - 310
  • 3. Valur - 307
  • 4. ÍBV - 272
  • 5. Afturelding - 247
  • 6. Fram - 215
  • 7. Stjarn­an - 202
  • 8. KA - 157
  • 9. Grótta - 117
  • 10. HK - 93
  • 11. ÍR - 68
  • 12. Fjölnir - 42

Í Olís-deild kvenna fengu Valskonur afgerandi kosningu í efsta sæti og Haukum er spáð 2. sæti. Nýliðum Gróttu er hins vegar spáð falli.

Spáin fyrir Olís-deild kvenna:

  • 1. Valur - 143
  • 2. Haukar - 126
  • 3. Fram - 116
  • 4. ÍBV - 87
  • 5. Selfoss - 67
  • 6. Stjarnan - 56
  • 7. ÍR - 55
  • 8. Grótta - 23

Einnig var birt spá fyrir Grill 66-deildirnar og er því spáð að Þór vinni Grill 66-deild karla en Hörður frá Ísafirði verði í 2. sæti. Í Grill 66-deild kvenna er KA/Þór, sem féll í vor, spáð sigri og Aftureldingu 2. sæti.

Olís-deild karla Olís-deild kvenna Valur FH

Mest lesið


Fleiri fréttir

Sjá meira


×

Mest lesið