Liðið hans Van Persie tapaði 9-1

Heerenveen tapaði 9-1 á móti AZ Alkmaar í hollensku úrvalsdeildinni í gærkvöldi.

AZ Alkmaar komst yfir eftir fjórar mínútur en Heerenveen náði að jafna metin á 19. mínútu.

AZ komst yfir fyrir hálfleik en seinni hálfleikurinn var síðan algjör martröð fyrir lærisveina Van Persie.

AZ skoraði þrjú mörk frá 48. til 56. mínútu og eftir það var leikurinn búinn.

Úrslitin urðu þó miklu ljótari fyrir Heerenveen því AZ bætti við fjórum mörkum.

Troy Parrott, fyrrum leikmaður Tottenham, skoraði fernu í leiknum.

Heerenveen var með fjögur stig í fyrstu þremur leikjum sínum og markatalan var 5-2 þeim í hag eftir 4-0 sigur á NAC Breda í leiknum á undan.