Íslenski boltinn

Þægi­legt hjá Þrótti í Krikanum

Runólfur Trausti Þórhallsson skrifar
Þróttur endaði tímabilið á öruggum sigri.
Þróttur endaði tímabilið á öruggum sigri. Vísir/Diego

Þróttur Reykjavík lagði FH 3-0 í síðustu umferð Bestu deildar kvenna í fótbolta. Þróttur endar í 5. sæti með 29 stig en FH sæti neðar með 25 stig. 

Heimakonur höfðu tapað öllum fjórum leikjum sínum síðan Bestu deildinni var skipt upp en gestirnir úr Laugardalnum höfðu að sama skapi ekki enn unnið leik síðan skiptingin átti sér stað. 

Segja má að Þróttur hafi gert út um leikinn á sex mínútna kafla í fyrri hálfleik þegar liðið skoraði tvö mörk. Caroline Murray kom gestunum yfir eftir sléttan hálftíma og Sæunn Björnsdóttir tvöfaldaði forystuna skömmu síðar. 

Staðan 0-2 í hálfleik og heimakonur aldrei líklegar til að jafna metin. Melissa Alison Garcia bætti þriðja markinu við þegar rúm klukkustund var liðin og lokatölur í Kaplakrika 0-3. 

Fótbolti Íslenski boltinn Besta deild kvenna FH Þróttur Reykjavík

Mest lesið


Fleiri fréttir

Sjá meira


×

Mest lesið