Ás­laug Munda skoraði beint úr auka­spyrnu og lagði upp þrjú

Harvard vann þarna 5-0 stórsigur á Cornell eftir að hafa verið 3-0 yfir í hálfleik.

Áslaug Munda skoraði fyrsta mark Harvard í leiknum og Írena Héðinsdóttir Gonzalez innsiglaði sigurinn með fimmta markinu.

Markið sitt skoraði Áslaug Munda með skoti beint úr aukaspyrnu en hún átti líka stoðsendingu í þremur öðrum mörkum liðsins þar á meðal fimmta markinu sem landa hennar Írena skoraði.

Áslaug Munda átti alls fimm skot í leiknum þar af fóru fjögur þeirra á markið.

Áslaug Munda hefur alls skoraði fjögur mörk og gefið þrjár stoðsendingar í fyrstu sex leikjum hennar með Harvard á tímabilinu. Þetta var fyrsta mark Írenu en hún er einnig með tvær stoðsendingar.

Það er mikið gleðiefni að sjá Áslaugu Mundu komast aftur á strik en hún hefur verið afar óheppin með meiðsli síðustu ár.

Það má sjá mörkin úr leiknum hér fyrir neðan.