Tóm hamingja hjá for­setanum

Það var margt um manninn á frumsýningunni eins og myndirnar hér fyrir neðan bera með sér. Forsetahjónin létu sig ekki vanta og heldur ekki Rósa Guðbjartsdóttir bæjarstjóri Hafnarfjarðar. Verkið er sýnt í Borgarleikhúsinu þar sem Gaflaraleikhúsið er nú tímabundið með starfsemi.

Verkið er gleðisprengja þar sem öllum er haldið á tánum, leikurum jafnt sem áhorfendum. Vinahópurinn ákveður að taka smá inngrips partý upp í bústað um áramótin. Þau hafa þungar áhyggjur af Hjálmari sem virðist alveg vera að missa af hamingjulestinni. Hann er óvirkur á samfélagsmiðlum og hættur að drekka sem er klárlega merki um alvarlegt þunglyndi. Því ákveður vinahópurinn að hjálpa. Þessi áramót eiga að vera tóm hamingja svo Hjálmar sjái ljósið á ný.