Í frumvarpi um breytingu á lögum um almannatryggingar segir að við lögin bætist töluliður sem mæli fyrir um að þeir sem rétt eiga á greiðslu örorkulífeyris eða endurhæfingarlífeyris á árinu 2024 skuli fá eingreiðslu að fjárhæð 70.364 kr. Hafi lífeyrisþegi fengið greiddar bætur hluta úr ári skuli eingreiðslan vera í hlutfalli við greiðsluréttindi hans á árinu.
Eingreiðsla þessi, sem skuli innt af hendi eigi síðar en 31. desember 2024, skuli ekki teljast til tekna greiðsluþega og ekki leiða til skerðingar annarra greiðslna.
Eingreiðslan er til samræmis við eingreiðslur í desember síðustu ára.
