Fótbolti

Dagur Dan og fé­lagar í undan­úr­slit eftir sigur á liðinu sem stoppaði Messi

Óskar Ófeigur Jónsson skrifar
Dagur Dan Þórhallsson og félagar í Orlando City eru bara einum leik frá úrslitaleiknum um bandaríska meistaratitilinn.
Dagur Dan Þórhallsson og félagar í Orlando City eru bara einum leik frá úrslitaleiknum um bandaríska meistaratitilinn. Getty/Bill Barrett

Dagur Dan Þórhallsson og félagar í Orlando City eru komnir í undanúrslit úrslitakeppni MLS deildarinnar í fótbolta.

Orlando City vann 1-0 sigur á Atlanta United í átta liða úrslitunum í nótt. Atlanta sló einmitt Inter Miami, lið Lionel Messi, óvænt út í fyrstu umferð úrslitakeppninnar.

Það var Ramiro Enrique sem skoraði eina mark leiksins á 39. mínútu. Boltinn féll fyrir fætur hans eftir hornspyrnu og hann skoraði af stuttu færi.

Dagur Dan var í byrjunarliði Orlando City eins og fyrr á tímabilinu en var tekinn af velli á 79. mínútu.

Orlando City mætir New York Red Bulls í undanúrslitunum en í hinum undanúrslitaleiknum mætast LA Galaxy og Seattle Sounders.

Hér fyrir neðan má sjá eina mark leiksins í nótt.

Bandaríski fótboltinn

Mest lesið


Fleiri fréttir

Sjá meira


×

Mest lesið