Hafa stutt við bætta heilsu þjóðarinnar í aldar­fjórðung

„Við erum rótgróið fjölskyldufyrirtæki með sterk tengsl við heilbrigðiskerfið og leggur starfsfólk okkar sig fram við að hjálpa fólki að auka lífsgæði sín,“ segir Kristinn Johnson, framkvæmdastjóri Eirbergs. „Sú þjónusta sem við veitum og þær vörur sem við bjóðum upp á styðja heilsueflingu og meðvitaðan lífsstíl enda leggjum við áherslu á vörur sem auðvelda hreyfingu og útivist og auðga jafnframt daglegt líf.“

Landsmenn eru sífellt meðvitaðri um bætta heilsu og hafa jólagjafir sem bæta andlega og líkamlega heilsu á einhvern hátt aukist jafnt og þétt. „Í Jólahandbók Eirbergs, sem kemur út fyrir hver jól, má finna fjölda góðra jólagjafa fyrir fólk á öllum aldri og tengjast bættri heilsu með ólíkum hætti.“

Kristinn nefnir til sögunnar nokkrar vel valdar jólagjafir úr Jólahandbók Eirbergs.

Lumie vekjaraklukkur með dagljósi

„Þessar vekjaraklukkur líkja eftir náttúrulegri sólarupprás, stuðla að betri svefnvenjum og styðja við eðlilega dægursveiflu. Lumie vekjaraklukkurnar auka ljósmagn smátt og smátt, líkt og við sólarupprás. Ljósið gefur líkamanum merki um að draga úr framleiðslu svefnhormóna og auka framleiðslu hormóna sem hjálpa þér að vakna. Þetta er sérstaklega góð gjöf fyrir unglinga.“

Theragun nuddbyssur

„Nuddbyssurnar eru hljóðlátar, öflugar og þægilegar í notkun og veita áhrifaríkt djúpvefjanudd hvar og hvenær sem er. Theragun nuddbyssurnar losa um vöðvaspennu, gefa hraðari endurheimt, auka blóðflæði og liðleika. Einstök tækni veitir þráðlaust djúpvöðvanudd á einfaldan og áhrifaríkan máta.“

Tufte Bambull® útivistarfatnaður

„Þessi frábæri útivistarfatnaður inniheldur einstaka blöndu af bambus og merino-ull. Innra lagið sem liggur við húðina er úr umhverfisvottuðum bambus sem er ótrúlega mjúkur, dregur í sig raka, andar vel og hamlar bakteríuvexti sem veldur ólykt í fatnaði. Ytra lagið er úr mjúkri merino-ull sem heldur vel hita. Í öllum saumum, kraga og við ermar liggur mjúkur bambusinn að húðinni.“

Therabody RecoveryTherm™ infrarautt bakbelti

„Hér höfum við djúphita bak- og magabelti sem er þráðlaust og umlykur bak og maga með verkjastillandi infra rauðum hita og víbrandi nuddi. Einfalt og þægilegt í notkun. Beltið gefur áhrifaríka djúphitameðferð með infrarauðum geislum. Beltið getur hjálpað við verkjameðferð vegna bakverkja og tíðaverkja, dregið úr verkjum í vöðvum, minnkað vöðvaspennu og bólgur í líkamanum.“

Shiatsu þráðlaust háls- og herðanudd

„Um er að ræða tvo stóra nuddhausa með þreföldum þrýstipunktum og öflugum hita sem ræðst á alla bólguhnúta, vöðvaspennu og eymsli. Skilur eftir mjúkar og afslappaðar herðar og axlir.“

Tufte Bambus náttföt

„Náttfötin frá Tufte eru orðin klassísk jólagjöf hjá okkur. Einstaklega vönduð, silkimjúk og þægileg náttföt úr Oeko-Tex® umhverfisvottuðum bambus og lífrænni bómull.“

Withings ScanWatch snjallúr

„Withings ScanWatch er klínískt vottað snjallúr með ECG mæli, púlsmæli, súrefnismettunarmæli og hreyfi- og svefnmæli. Úrið mælir gáttatif (AFib) og óreglulegan hjartslátt með hjartalínuriti. Það mælir einnig öndunartruflanir og gefur ábendingar um kæfisvefn. Úrið inniheldur einnig TempTech24/7 hitamæli sem mælir líkamshitann allan sólarhringinn og gefur eiganda þess betri innsýn í líkamsstarfsemina, í þjálfun, endurheimt og í svefni.“

ModulAir þrýstinudd- og hitameðferð

„ModulAir nuddtækið er með fjölnota stjórnboxi með endurhlaðanlegri rafhlöðu og sérhönnuðum þrýstihlífum með hita fyrir hné, kálfa, hendur og fætur. ModulAir þrýstinuddið getur aukið blóðflæði, hraðar endurheimt og hjálpar til við að lina verki, dregur úr bólgum, bjúg og stirðleika.“

Vivobarefoot skór

„Þessir einstöku skór eru náttúrulega hannaðir í kringum fótinn með nóg pláss fyrir tær til að auka grip, jafnvægi og bæta niðurstig. Skórnir hjálpa við að virkja vöðva í fótunum á náttúrulegan máta.“

Hvað er betra en að gefa góða heilsu í jólagjöf?

Verslun Eirbergs að Stórhöfða 25 býður fjölbreytt vöruval og persónulega þjónustu. Á skrifstofum Eirbergs og Stuðlabergs heilbrigðistækni, fyrir ofan verslunina, veita hjúkrunarfræðingar og aðrir sérfræðingar þjónustu eftir skurð- og brjóstaaðgerðir, vegna þrýstingssokka, þrýstingserma og stuðningshlífa og vegna stóma og þvagleggja.

„Eirberg var stofnað árið 2000 og þjónaði frá upphafi einstaklingum og heilbrigðisstofnunum með ýmsum vörum tengt heilbrigðisþjónustu. Eftir því sem árin liðu fórum við að þróast í takt við ýmsar breytingar í samfélaginu en landsmenn eru sífellt meðvitaðri um hvað góð heilsa skiptir máli. Fyrir um fimmtán árum síðan sáum við aukningu í fyrirspurnum frá fólki sem var að leita að heilsusamlegum jólagjöfum fyrir sína nánustu. Því hvað er betra en að gefa góða heilsu í jólagjöf?“

Hafa þróast með þjóðinni samhliða vitundarvakningu um bætta heilsu

Meðal fyrstu heilsutengdu jólagjafanna voru vatnsfylltir heilsukoddar sem voru helst ætlaðir fólki með verk í hálsi eða baki. „Fljótlega sáum við að miklu fleiri fundu mun á svefngæðum með vatnskoddanum og urðu koddarnir vinsæl jólagjöf hjá viðskiptavinum sem voru að leita að gjöf fyrir fólkið í kringum sig sem átti erfitt með svefn. Í kjölfarið sáum við leik á borði og útbjuggum fyrstu jólagjafahandbókina sem hefur síðan komið út á hverju ári síðan og stækkar með hverju árinu. Það má því segja að við höfum þróast og þroskast með þjóðinni samhliða þessari vitundarvakningu um bætta heilsu.“

Eirberg vinnur náið með Sjúkratryggingum Íslands sem er ákveðinn gæðastimpill fyrir þjónustu fyrirtækisins og þær vörur sem það selur. „Við fáum líka reglulega ábendingar frá fagaðilum þegar einhver heilsufarsleg vandamál eru að aukast og hefur það hjálpað okkur að veita sem bestu þjónustu til okkar viðskiptavina hverjum tíma,“ segir Kristinn. Hann nefnir sem dæmi aukna sölu á þrýstingssokkum til að vinna bug á fitubjúg. „Við höfum hér hóp af konum sem hafa kannski verið ógreindar í mörg ár en með notkun þrýstingssokka og þrýstingsbuxna hefur líf þeirra breyst til hins betra. Það er gaman að geta selt vörur sem hjálpa fólki og svona sögur hvetja okkur enn frekar áfram til að þjóna landanum með úrvali af heilsutengdum vörum og faglegri þjónustu.“