Kalt en bjart um helgina

Þetta kemur fram í textaspá Veðurstofunnar, þar sem kemur fram að á morgun gangi í norðan 8-15, á Norður- og Austurlandi verði él eða snjókoma en bjartviðri sunnan heiða. 

Í hugleiðingum veðurfræðings segir að á mánudag sé útlit fyrir stífa norðanátt með ofankomu á Norður- og Austurlandi. 

Veðurhorfur á landinu næstu daga

Á sunnudag og mánudag:

Norðan 8-13 m/s, en 13-18 í vindstrengjum á Suðausturlandi og Austfjörðum. Él eða snjókoma norðan- og austanlands, en bjartviðri sunnan heiða. Frost 3 til 12 stig.

Á þriðjudag og miðvikudag:

Norðan 5-10, en 10-15 með austurströndinni. Dálítil él á norðaustanverðu landinu, en léttskýjað sunnan- og vestanlands. Áfram kalt í veðri.

Á fimmtudag:

Suðvestlæg átt og víða léttskýjað, en skýjað við vesturströndina. Frost 2 til 15 stig, minnst vestast á landinu.

Á föstudag:

Austlæg átt með slyddu eða rigningu sunnanlands og hita 1 til 6 stig. Úrkomulítið norðantil og minnkandi frost.