Fótbolti

City mun mæta Real eða Bayern í umspilinu

Ágúst Orri Arnarson skrifar
Bernardo Silva í leik gegn Bayern Munchen í átta liða úrslitum 2023, þegar City vann Meistaradeildina.
Bernardo Silva í leik gegn Bayern Munchen í átta liða úrslitum 2023, þegar City vann Meistaradeildina.

Manchester City tókst að tryggja sér umspilssæti í Meistaradeildinni með sigri gegn Club Brugge í kvöld. Liðsins bíður þó annað erfitt verkefni því í umspilinu mun það mæta annað hvort Real Madrid eða Bayern Munchen.

City endaði í 22. sæti með ellefu stig. Celtic endaði í 21. sæti með jafn mörg stig.

Liðin í 21. – 22. sæti munu mæta liðunum í 11. eða 12. sæti í umspilinu, semsagt Real Madrid eða Bayern Munchen. City mun því mæta annað hvort Real eða Bayern, og Celtic mun mæta hinu liðinu.

Dregið verður í umspilið föstudaginn 31. janúar.

Sigurvegararnir úr einvígunum munu svo mæta Bayer Leverkusen (5. sæti) eða Atletico Madrid (6. sæti) í átta liða úrslitum.

City mun ekki geta treyst á Rodri sem er frá vegna meiðsla. 

Manchester City mætti Bayern Munchen síðast í átta liða úrslitum þegar City-menn unnu Meistaradeildina árið 2023. Þeir mættu Real Madrid síðast á síðasta tímabili, einnig í átta liða úrslitum, en þá datt City út í vítaspyrnukeppni og Madrídingar enduðu á að lyfta titlinum.

Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið