Fundust látnir í tjaldi á hæsta fjalli Sví­þjóðar

Sænskir fjölmiðlar greina frá því í morgun að mennirnir hafi verið á sjötugsaldri og vanir fjallgöngumenn. Þeir fundust í tjaldi suður af fjallabúðum Kebnekaise.

Lögregla var kölluð til eftir að mennirnir höfðu ekki skilað sér heim í gær líkt og fyrirhugað var. Björgunarsveitarfólk var þá kallað út og var meðal annars notast við þyrlu við leitina.

Mennirnir fundust svo látnir í tjaldinu um miðnætti í gær. Þeir eru sagðir vera frá Norðurbotni og er búið að tilkynna aðstandendur um málið.

Lögregla segir frá því á heimasíðu sinni að ekki sé talið að andlátin hafi borið að með saknæmum hætti.

Kebnekaise er 2.097 metra hátt.