Hlý­leg stemmning og ein­stök matarupplifun

„Það má segja að ég sé að ferma „barnið“ en ég opnaði Sjávargrillið fyrir fjórtán árum, í apríl 2011. Okkar höfuðáhersla hefur alltaf verið á fyrsta flokks hráefni og að gera allt frá grunni, bæði mat og drykki,“ segir Gústav Axel Gunnlaugsson, matreiðslumeistari og eigandi Sjávargrillsins.

„Einn vinsælasti rétturinn okkar á Sjávargrillinu er humar taco en við bjóðum að sjálfssögðu upp á bæði kjöt- og fiskrétti, sushi og fersk salöt. Í hádeginu er fiskur dagsins ávallt vinsæll kostur og við sækjum ferskan fisk á hverjum morgni til að tryggja hámarks gæði,“ segir Gústav.

Matreiðslumeistarar staðarins leggja metnað sinn í að nýta fyrsta flokks hráefni og skapa rétti sem gleðja bragðlaukana. Matseðillinn er fjölbreyttur og breytist þrisvar til fjórum sinnum á ári til að endurspegla árstíðabundin hráefni. Sérstakir hátíðarseðlar eru í boði, til dæmis um jólin, sem gleðja bæði auga og munn.

„Barþjónarnir okkar eru sannkallaðir snillingar í að hrista fram framúrskarandi kokteila en allir drykkir eru búnir til frá grunni.

Sjávargrillið laðar að sér breiðan hóp gesta, bæði Íslendinga og erlenda ferðamenn. Staðurinn er þekktur fyrir hlýlega og heimilislega stemmningu þar sem starfsfólkið þekkir marga fastagesti með nafni og veit hvað þeir vilja. Þetta skapar notalegt andrúmsloft þar sem allir eru velkomnir.

Skólavörðustígurinn er líflegur og er tilvalin fyrir þá sem vilja njóta mannlífsins í miðborginni. Nálægðin við kennileiti eins og Hallgrímskirkju og Hegningarhúsið gerir Sjávargrillið að ákjósanlegum áfangastað fyrir þá sem vilja sameina menningarlegt miðbæjarrölt og góða matargerð.

Hvort sem þú ert að leita að stað til að halda hádegisfund með vinnufélögum eða njóta kvöldverðar með vinum og fjölskyldu, býður Sjávargrillið upp á hlýlegt umhverfi, framúrskarandi þjónustu og matargerð sem gleður alla.