Handbolti

Velta því fyrir sér hvort fimm­tán ára HK-ingur hafi skorað mark ársins

Óskar Ófeigur Jónsson skrifar
HK-ingar fengu kannski silfur í úrslitaleiknum en einn leikmaður liðsins skoraði mögulega mark ársins að mati evrópska handboltasambandsins.
HK-ingar fengu kannski silfur í úrslitaleiknum en einn leikmaður liðsins skoraði mögulega mark ársins að mati evrópska handboltasambandsins. @hkhandbolti

HK-ingurinn Bjarki Freyr Sindrason skoraði stórskemmtilegt mark í bikarúrslitaleik 4. flokks karla í handbolta á Ásvöllum á dögunum.

Markið dugði reyndar ekki til sigurs en það dugði til að koma honum á miðla evrópska handboltasambandsins.

Mark Bjarka Freys var sýnd á miðlum EHF Home of Handball og þar velta menn því fyrir sér hvort það geti mögulega verið mark ársins í handboltanum. Ekki lítið hrós sem strákurinn fær það.

Bjarki sýndi þá hversu úrræðagóður hann var og skoraði með skoti fyrir aftan bak. Aðeins nokkrum dögum síðar hélt hann upp á sextán ára afmælið sitt.

Þetta var eitt af fjórum mörkum hans í úrslitaleiknum en HK tapaði leiknum 31-26 eftir að hafa verið þremur mörkum yfir í hálfleik, 15-12.

Brynjar Narfi Arndal skoraði fimmtán mörk fyrir bikarmeistara FH.

Það má sjá markið hans Bjarka hér eða með því að smella hér fyrir neðan.

Handbolti HK

Mest lesið


Fleiri fréttir

Sjá meira


×

Mest lesið