Orri skoraði í fyrsta leiknum sem fyrir­liði

Leikur Íslands og Kósovó í Þjóðadeild UEFA er í fullum gangi en leikurinn er sá fyrsti undir stjórn nýja landsliðsþjálfarans Arnars Gunnlaugssonar.

Leikurinn er liður í umspili um sæti í B-deild Þjóðadeildarinnar en liðin mætast á nýjan leik á sunnudaginn. 

Kósovó tók forystuna í leiknum á 19. mínútu. Lumbardh Dellova skoraði þá með skoti á nærstöngina eftir vandræðagang í íslenska liðinu í kjölfarið á föstu leikatriði Kósóva.

Aðeins þremur mínútum síðar jafnaði hins vegar Orri Steinn Óskarsson metin í sínum fyrsta leik sem fyrirliði Íslands. Orri Steinn fékk þá frábæra sendingu innfyrir vörn heimamanna frá Ísaki Bergmann Jóhannessyni, lék á Arijanet Muric í markinu og kláraði vel. 

Staðan í hálfleik var 1-1 en Kósovó kom út í seinni hálfleik af miklum krafti. Íslenska liðið var á köflum í nauðvörn á fyrstu mínútum hálfleiksins og á 59. mínútu skoraði síðan Elvis Rexhbecaj annað mark Kósovó og kom liðinu aftur í forystu.

Staðan er í hálfleik er 1-1 en leikurinn er í beinni útsendingu á Stöð 2 Sport og í beinni textalýsingu hér á