Körfubolti

Upp­selt á úr­slita­leik KR og Vals

Valur Páll Eiríksson skrifar
KR-ingar verða í úrslitum í fyrsta sinn síðan 2018 og mæta Íslandsmeisturum Vals sem urðu síðast bikarmeistarar í hitteð fyrra.
KR-ingar verða í úrslitum í fyrsta sinn síðan 2018 og mæta Íslandsmeisturum Vals sem urðu síðast bikarmeistarar í hitteð fyrra. Vísir/Anton Brink

Uppselt er á úrslitaleik KR og Vals um bikarmeistaratitil karla í körfubolta sem fram fer í Smáranum á morgun. Ljóst er að spennan er afar mikil fyrir slag fornra Reykjavíkurfjenda og allir 1.825 miðarnir á leikinn farnir.

Miðasala hófst klukkan 13:00 í gær og aðeins örfáum klukkustundum síðar höfðu miðar eyrnamerktir hvoru liði fyrir sig selst upp. Stór hluti fór þá í almenna sölu en þeir miðar voru uppseldir í gærkvöld.

Sé litið á leikinn í miðasöluforritinu Stubbi má sjá að engir miðar eru til sölu. Hannes S. Jónsson, framkvæmdastjóri KKÍ, staðfesti í samtali við Vísi að uppselt sé á leikinn.

KR og Valur fengu hvort um sig 600 miða, auk 25 boðsmiða hvort lið. Um 350 miðar fóru til KKÍ og samstarfsaðila og rest í almenna sölu.

1.825 miðar hafa selst í heildina, sem er hámarksfjöldi fólks sem leyfilegt er að komi saman í Smáranum, þar sem úrslitaleikurinn fer fram.

Enn er töluvert af lausum miðum á úrslitaleik kvenna, milli Grindavíkur og Njarðvíkur, sem fram fer klukkan 13:30 í Smáranum á morgun.

Leikur KR og Vals hefst klukkan 16:30.

KKÍ VÍS-bikarinn Körfubolti Valur KR

Mest lesið


Fleiri fréttir

Sjá meira


×

Mest lesið