Hætti í löggunni og gerðist heims­meistari

Báðar konur voru ósigraðar fyrir bardagann í gær en Tiara stóð uppi sem sigurvegari eftir ákvörðun dómara og fagnaði þar með sínum nítjánda sigri á ferlinum, ásamt heimsmeistaratitlinum auðvitað.

Þetta var fyrsta tapið á ferli Skye Nicolson, hún hafði unnið tólf bardaga fyrir þennan og varið heimsmeistaratitilinn tvisvar.

Tiara er 36 ára og hefur keppt í hnefaleikum í tæplega tvo áratugi, en steig ekki skrefið í fulla atvinnumennsku fyrr en árið 2021.

Áður hafði hún starfað sem lögreglukona í Washington D.C. og Flórída í Bandaríkjunum.

Eftir að hafa fengið heimsmeistarabeltið þakkaði hún Guði almáttugum fyrir sín störf og sagðist hafa eytt „meira en tuttugu árum í að bíða eftir þessu augnabliki.“