„Flotti fíni Garða­bær á móti Breið­holtinu“

„Það er saga þarna. Þetta er frægt einvígi þegar ÍR-ingar slógu Stjörnuna út úr úrslitakeppninni. Svo er þetta líka Garðabær, flotti fíni Garðabær á móti Breiðholtinu sko. Það eru alls konar sögur þarna“ sagði Teitur Örlygsson um þetta æsispennandi einvígi.

Borche Illievski er maðurinn sem stýrði ÍR til sigurs í einvíginu 2019. Hann er mættur aftur í þjálfarastólinn. Svo má gera ráð fyrir að Ghetto Hooligans, stuðningsmannasveit ÍR, muni hafa mikil og góð áhrif á einvígið í ár eins og þeir gerðu þá.

Væntingar eru gerðar til Íslandsmeistaratitils í Garðabænum. Stjörnumenn eru undir mikilli pressu og hafa harma að hefna eftir tapið um árið.

Farið var yfir allar helstu sögulínur einvígisins á Körfuboltakvöldi. Innslagið má sjá í spilaranum hér fyrir ofan.