Þjóðar­öryggi að vera aðildar­ríki að Evrópu­sam­bandinu

Það er ótrúlegt, eða ekki að heyra hvernig hægri öfgamenn á Íslandi afsaka það sem er að gerast í Bandaríkjunum. Sumir skrifa greinar á Vísir.is og víðar og segja að Evrópusambandið sé vont á meðan Bandaríkin hóta því að innlima Grænland, Panama og Kanada með hervaldi. Andstæðingar Evrópusambandsins eru oft á tíðum miklir stuðningsmenn öfga-hægri stjórnmála í Bandaríkjunum og réttlæta sína skoðun með því að það sé betra. Sumir andstæðingar Evrópusambandsins á Íslandi eru miklu verri en það þegar betur er að gáð.

Margir ráðamenn í Evrópu haft sínar eigin hugmyndir um hvað Evrópusambandið eigi að vera frá upphafi og hvert það eigi að fara. Evrópusambandið verður aldrei annað en það sem er ákveðið að aðildarríkjum þess og hefur verið það frá stofnun og þróun þess í gegnum áratugina.

Síðan er endurtekin rangfærslan um sex Evrópuþingmenn, sem er sami þingmannafjöldi og eftirtalin aðildarríki Evrópusambandsins hafa í dag. Þau ríki sem hafa sex Evrópuþingmenn eru Malta, Kýpur, Lúxemborg (stofnríki að Evrópusambandinu). Þessi ríki eru aðeins stærri en íslendingar í íbúarfjölda. Hægt er að skoða þingmannafjölda á Evrópuþinginu eftir ríkjum hérna. Evrópuþingið starfar hinsvegar eftir sameiginlegum Evrópskum þingmannaflokkum en ekki ríkjum. Hægt er að lesa um þá hópa hérna (vefsíða Evrópuþingsins).

Það er einnig mikil rangfærsla að halda því fram að fríverslunarsamningar séu betri. Það er rangt. Fríverslunarsamningar henta fyrirtækjum, inn og útflytjendum. Þeir breyta engu í réttindum almennings á Íslandi. Andstæðingar Evrópusambandsins á Íslandi vilja svipta íslendinga ferðafrelsi í Evrópu með sama hætti og Bretar misstu sitt ferða og búsetufrelsi innan Evrópu þegar þeir fóru úr Evrópusambandinu. Þeir Bretar sem vilja búa á Íslandi í dag þurf að sækja um heimild til þess að fá að búa á Íslandi, atvinnuleyfi og annað eins og hver annar sem kemur frá ríkjum utan Evrópusambandsins.

Öryggið í aðild að Evrópusambandinu

Það er ekkert sem segir að Bandaríkin muni ekki reyna og takast að innlima Grænland, þó ekki nema í stuttan tíma á næstu árum. Þess vegna ætti Grænland einnig að ganga í Evrópusambandið sem OCT svæði nema með fullri aðild (Grænland getur sleppt ákveðnum atriðum eftir þörfum sem OCT svæði). Hvort að Grænlendingar fara þessa leið er þeirra ákvörðun en þetta er engu að síður leið sem stendur þeim til boða ef þeir kjósa svo.

Vegna ákvæða í aðildarsáttmála Danmerkur að Evrópusambandinu. Þá er þessi leið ekki í boði fyrir Færeyjar. Færeyjar eru hinsvegar með þrjá samninga við Evrópusambandið en njóta ekki neinna annara réttinda hjá Evrópusambandinu. Hægt er að lesa um það hérna. Íbúar Færeyja eru danskir ríkisborgarar og njóta því frjálsrar farar innan Evrópusambandsins sem slíkir og réttinda ef þeir flytja frá Færeyjum til Danmerkur en þeir njóta ekki neinna slíkra réttinda þegar þeir búa í Færeyjum samkvæmt aðildarsáttmála Danmerkur að Evrópusambandinu. Hægt er að lesa um það hérna.

Ísland þarf einnig að ganga í Evrópusambandið sem fyrst. Þar sem það er ekkert sem stöðvar Bandaríkin að innlima Ísland eftir að búið er að innlima Grænland. Sérstaklega þegar Bandaríkin verða búin að segja upp öllum samningum við Ísland. Það mun gerast eins og málin eru að þróast, en það tekur tíma að gerast. Núna er verið að koma á einræði í Bandaríkjunum og á meðan eru smáríki eins og Ísland ekki í sjónsviði þeirra sem eru að koma upp einræðinu en það kemur að þessu eins og öðru.

Málflutningi andstæðinga Evrópusambandsins á Íslandi á að hafna enda er hann ekki byggður á neinum staðreyndum. Það sem þeir setja fram er til þess að hræða fólk í að trúa þeirra fullyrðingum. Enda er hræðsla ódýr leið til þess að ná fram pólitískum markmiðum um að halda Íslandi fyrir utan Evrópusambandið.

Ísland þarf í raun ekki neinar undanþágur frá flestum lögum og reglum Evrópusambandsins og hefur í raun aldrei þurft. Meint sérstaða Íslands er ímyndun og hefur alltaf verið það. Þó þarf að fá sérreglur varðandi innflutning á lifandi dýrum vegna dýrasjúkdóma og varna gegn þeim. Það er svona eina undanþágan sem mundi þurfa að fá. Núverandi lög í Evrópusambandinu koma í veg fyrir fiskveiðar annara þjóða í íslenskri lögsögu. Það er einnig nauðsynlegt að öll aðildarríki hafa stjórn yfir sínum lögsögum og hafa alltaf gert. Hvað Evrópusambandið stjórnar og setur lög er mjög vel skilgreint og hefur verið lengi. Hægt er að skoða þann lista hérna á vefsíðu Evrópusambandsins.

Evrópusambandið er búið að koma sér upp öryggisstofnun og er vefsíða hennar hérna. Þátttaka í þessu er algjörlega á grundvelli ríkjanna sjálfra. Ríki Evrópusambandsins eru ennþá að ræða og ákveða fleiri skref í þessu en ég veit ekki hver þau verða. Í þessu liggur öryggið að vera aðili að Evrópusambandinu. Auk þess sem ekki verður hægt að setja íslenskan efnahag á hliðina með einföldum aðgerðum sem Bandaríkin gætu gripið til gegn Íslandi í framtíðinni. Þar sem núverandi ríkisstjórn í Bandaríkjunum er svo miklu verri en íslendingar telja.

Höfundur er rithöfundur.