Þetta er í fyrsta sinn sem að bílaframleiðandi tekur þátt í HönnunarMars en sænska rafbílamerkið Polestar er þekkt fyrir framsækna hönnun, þar sem hver bíll sker sig úr og vekur eftirtekt. Polestar sameinar háþróaða hönnun og nýsköpun með skýra sýn um sjálfbæra framtíð.
Hönnunarsýning í Polestar Reykjavík - Framsækin sýn fyrir sjálfbæra framtíð
Sýningarsalur Polestar breytist í áhrifamikla hönnunarmiðstöð þar sem framsækin verk Tobia Zambotti mæta stefnu Polestar um sjálfbæra nýsköpun.
- Sýningin stendur yfir dagana 3.-16. apríl.
- Topbia Zambotti, innanhússhönnuður sem er þekktur fyrir djörf, nútímaleg og umhverfisvæn verk, sýnir fjögur verk. Hvert þessara verka endurspeglar róttæka endurhugsun á efnum, úrgangi og hlutverki hönnunar í að móta sjálfbærari heim.
Fjárfestum í hönnun
Komal Singh, hönnunarsérfræðingur lita og efna hjá Polestar kemur til landsins og mun ræða mikilvægi hönnunar og fjárfestinga á viðburði Landsbankans "Fjárfestum í hönnun".
- Viðburður hjá Landsbankanum föstudaginn 4. apríl kl. 15.30
- Komal Singh, hönnunarsérfræðingur lita og efna hjá Polestar heldur örerindi og tekur þátt í pallborðsumræðum um fjármagn og hönnun ásamt fleiri gestum.
Polestar Talk um sjálfbærni-stýrða hönnun
Polestar Talk er pallborðsumræður í Polestar Reykjavík þar sem rætt verður hvernig sjálfbær hugsun, þegar hún er innleidd á hönnunarstigi, leiðir til betri valkosta og meiri árangurs, sem endurspeglast í bílunum með einefnaefnum sem einfaldar endurvinnslu, lífefnafræðilegum valkostum eða nýstárlegum vefaraðferðum.
- Polestar Reykjavík laugardaginn 5. apríl kl. 14.
- Komal Singh, hönnunarsérfræðingur lita og efna, mun leiða okkur inn í hönnunarferlið sem liggur að baki Polestar rafbílum. Hjá Polestar er allt skapað frá grunni og sjálfbærni ekki hindrun, heldur skapandi afl. Komal mun útskýra hvernig innblástur, oft sóttur úr heimi tísku og náttúru, drífur þessa nýsköpun áfram.
- Arnhildur Pálmadóttir arkitekt og Tobia Zambotti innanhúshönnuður munu ræða sjálfbærni-stýrða hönnun.
- Stjórnandi umræðanna verður Egill Jóhannsson forstjóri Brimborgar.
Sjálfbærni er kjarninn í starfsemi Polestar
Polestar (Nasdaq: PSNY) er sænskt rafbílamerki sem sameinar háþróaða hönnun og nýsköpun með skýra sýn um sjálfbæra framtíð. Með höfuðstöðvar í Gautaborg í Svíþjóð, eru Polestar bílar í boði á 27 mörkuðum um allan heim, þar á meðal í Norður-Ameríku, Evrópu og á Kyrrahafssvæðinu.
Fjölbreytt vörulína Polestar inniheldur nú Polestar 2, Polestar 3 og Polestar 4, en fleiri gerðir eru væntanlegar, þar á meðal fjögurra dyra GT-bíllinn Polestar 5 (kemur árið 2025), roadsterinn Polestar 6 og hinn netti sportjeppi Polestar 7. Framleiðsla fer fram í Norður-Ameríku og Asíu, en fyrirtækið hyggst einnig hefja framleiðslu Polestar 7 í Evrópu til að auka dreifingu sína enn frekar.
Sjálfbærni er kjarninn í starfsemi Polestar, og fyrirtækið hefur sett sér metnaðarfull markmið í loftslagsmálum. Markmiðið er að draga úr losun gróðurhúsalofttegunda um helming á hvern seldan bíl fyrir árið 2030 og ná kolefnishlutleysi í allri virðiskeðjunni fyrir árið 2040. Sjálfbærnistefna Polestar byggist á fjórum meginþáttum: Loftslag, Gegnsæi, Hringrás og Inngildingu.
