Dag­skráin: Kefla­vík og Grinda­vík geta komist í 2-0 og tíma­taka F1 í Japan

Nú er komið að öðrum leiknum í tveimur einvígum í átta liða úrslitum Bónus deildar kvenna í körfubolta.

Keflavík vann fyrsta leikinn á móti Tindastól og Grindavíkurkonur unnu fyrsta leikinn á móti Haukum. Nú þurfa Keflavíkurkonur aftur á móti að mæta í Smárann og deildarmeistarar Hauka mæta 0-1 undir í Smárann. Báðir leikir verða í beinni.

Blackburn tekur á móti Middlesbrough í hörkuleik í ensku b-deildinni og þá verður einnig sýnt frá T-Mobile Match Play golfmótinu á LPGA mótaröðinni sem og leik í bandaríska hafnaboltanum.

Það verður einnig hægt að sjá Cristiano Ronaldo og félaga í Al Nassr mæta Al Hilal í toppbaráttuslag í Sádi Arabíu.

Í nótt er síðan síðasta æfingin fyrir Japanskappaksturinn í formúlu 1 og svo seinna sjálf tímatakan þar sem barist er um hvert sæti.

Hér fyrir neðan má sjá yfirlit yfir beinar útsendingar á sportstöðvunum í dag.

Stöð 2 Sport

Klukkan 19.20 hefst bein útsending frá öðrum leik Grindavíkur og Hauka í átta liða úrslitum Bónus deildar kvenna í körfubolta.

Stöð 2 Sport 4

Klukkan 22.00 hefst útsending frá T-Mobile Match Play golfmótinu á LPGA mótaröðinni.

Stöð 2 Sport 5

Klukkan 18.50 hefst bein útsending frá öðrum leik Tindastóls og Keflavíkur í átta liða úrslitum Bónus deildar kvenna í körfubolta.

Vodafone Sport

Klukkan 16.55 hefst bein útsending frá leik Al Hilal og Al Nassr í sádi-arabísku fótboltadeildinni.

Klukkan 18.55 hefst beint útsending frá leik Blackburn og Middlesbrough í ensku b-deildinni í fótbolta.

Klukkan 22.30 hefst bein útsending frá leik Washington Nationals og Arizona Diamondbacks í MLB hafnaboltadeildinni í Bandaríkjunum.

Klukkan 02.25 hefst bein útsending frá æfingu þrjú fyrir Japanskappaksturinn í formúlu 1.

Klukkan 05.45 hefst bein útsending frá tímatöku fyrir Japanskappaksturinn í formúlu 1.