Íslenski boltinn

Stærsti sigur KR á ÍA í deildar­leik

Ingvi Þór Sæmundsson skrifar
Leikmenn KR fagna eftir sigurinn á ÍA á sunnudaginn.
Leikmenn KR fagna eftir sigurinn á ÍA á sunnudaginn. vísir/jón gautur

Sigur KR á ÍA á sunnudaginn, 5-0, var stærsti sá stærsti sem KR-ingar hafa unnið á Skagamönnum í efstu deild frá upphafi.

Leikmenn KR sýndu sínar bestu hliðar í leiknum á AVIS-vellinum í Laugardalnum og unnu fimm marka sigur. Aron Sigurðarson skoraði tvö mörk og Luke Rae, Mathias Præst og Eiður Gauti Sæbjörnsson voru einnig á skotskónum.

KR hefur aldrei unnið ÍA með meiri mun í sögu efstu deildar en á sunnudaginn. KR-ingar höfðu tvisvar sinnum unnið Skagamenn með fjórum mörkum gegn engu. Fyrst í september 1961 og svo í júlí 1997. Einar Þór Daníelsson skoraði þrennu í leiknum fyrir 28 árum en mörkin úr honum má sjá hér fyrir neðan.

Klippa: KR 4-0 ÍA 1997

KR hefur svo fjórum sinnum unnið ÍA með þriggja marka mun í efstu deild, síðast í lok ágúst 2020.

Stærstu sigrar KR á ÍA í deild

  • KR 5-0 ÍA 27. apríl 2025
  • KR 4-0 ÍA 2. júlí 1997
  • KR 4-0 ÍA 10. september 1961
  • KR 4-1 ÍA 30. ágúst 2020
  • ÍA 1-4 KR 22. júní 1955
  • ÍA 1-4 KR 24. júní 1947
  • KR 4-1 ÍA 27. maí 1947

KR hefur skorað flest mörk allra í Bestu deildinni, eða tólf í fyrstu fjórum leikjunum. Liðið er í 5. sæti með sex stig og hefur ekki enn tapað leik.

ÍA er aftur á móti í ellefta og næstneðsta sæti deildarinnar með þrjú stig og hefur tapað síðustu þremur leikjum sínum.

Besta deild karla KR ÍA

Tengdar fréttir

„Kom bara í hörkustandi inn í þennan leik“

„Við skulduðum heilsteypta frammistöðu, leikirnir búnir að vera frekar kaflaskiptir en mér fannst þetta bara níutíu mínútur af frábærum fótbolta, vinnusemi og liðsheild“ sagði fyrirliðinn Aron Sigurðarson eftir 5-0 sigur KR gegn ÍA. Hann sneri aftur úr leikbanni, í hörkuformi að eigin sögn, lagði upp mark og skoraði tvö.

„Ég fer bara sáttur á koddann“

KR gerði jafntefli við FH í þriðju umferð Bestu-deildar karla í kvöld. Þetta er þriðja jafntefli KR-inga í röð og var Óskar Hrafn Þorvaldsson, þjálfari liðsins, þokkalega sáttur með niðurstöðuna í leikslok.

Uppgjörið: KR - ÍA 5-0 | Skemmtikraftarnir slógu ekki slöku við

KR tók á móti ÍA og bauð upp á fimm marka flengingu í fjórðu umferð Bestu deildar karla. 5-0 niðurstaðan í Laugardalnum og KR enn ósigrað. ÍA hefur hins vegar tapað síðustu þremur leikjum. Fyrirliðinn Aron Sigurðarson sneri aftur úr leikbanni, skoraði tvö mörk og lagði upp eitt. Atli Sigurjónsson kom inn af varamannabekknum og lagði upp síðustu tvö mörkin. 

Mest lesið


Fleiri fréttir

Sjá meira


×

Mest lesið